Ka Akhil Bharatiya Vidyarthi Parishad Meghalaya (ABVP) ka la pynlong ia ka ‘KHELO BHARAT’ ha ryngkat ka jing iatreilang bad ka Laitiam Multipurpose Society kila pynlong ia ka 7 aside football tournament ha ka shnong Laitiam, ka ba la sdang ha ka tarik 23 haduh 25 tarik kyllalyngkot 2026. Ha ka sngi plie ia ka Tournament u Sardar jong ka shnong Laitiam bad u Secretary jong ka laitiam Multi Purpose Society ki la don lang ha kane ka sngi. Hakane ka tournament la wan ban ia shim bynta da ki 16 tylli ki kynhun na ki shnong bapher bapher jong ka thaiñ Sohra bad ka thaiñ Pynursla.
Napdeng ki teams bapher bapher ba la ia wan ban ia shim bynta ha kane ka Tournament na ka liang ka Laitiam Iaipyrshang bad ka Ryngud Mawlai pohnong ki la lah ban poi sha ka Final jong ka Tournament ha kaba ka Laitiam Iaipyrshang ka la lah ban rah ia ka thong da ka jingjop pyrshah ia ka Ryngud Mawlai Pohnong da ka 1-0 kol.
Ha ka final jong ka Tournament la ia don lang u State Secretary jong ka ABVP u bah Bomsing Khongtir bad u Secretary ka Laitiam Multi Purpose society u bah Terens Riahtam.
Ha kane ka jingialehkai la ioh ruh ban sam ia ka cash prize, Medals, Trophies, Certificates bad ki individual awards na ka bynta u Best player bad u Best Goalkeeper of the Tournament.
