Ka West Jaiñtia District Sports Association, (WJDSA) kala pyntip paidbah ba na ki daw bymlah kiar, ïa ka jingïakhun Semi Final kaba thmu ban pynlong ha ka 9 tarik bad ka Final haka 13 tarik u Nohprah jong ka kyrdan ‘Super Division Football Tournament– 2025’ la hap ban pynsangeh shwa.
Halor kane u Hony. General Secretary ka WJDSA u ma Lammat oo Laloo ula pyntip na ka bynta ka tarik ban pynïakhun ïaka Semi Final (3-Eliminator) bad Final yn sa pynbna pat kham hadien.
Ki bor pyniaid ka WJDSA ki buh ka jingkyrpad ia ki paid ieit Football ba kin ym sngew ei ei halor kane ka jingpynkynriah sngi bad ki kyntu ia ki paidbah ban wan sakhi shitrhem pat ha ki tarik ban sa pynlong ia kitei ki jingiakhun.
