Ka lympung ïalehkai phutbol bala pynïaid da ka Amlarem Sub-Divisional Sports Association (ASSA) kala poi noh sha ka jingïakhun Final ha ka 18 tarik u Rymphang, 2026 haki ar tylli ki kyrdan jingïakhun kata ha ka Lower Division bad ka Upper Division ha madan phutbol ka Jaraiñ.
Ha ka jingïakhun phainal jong ka Lower Division ka Dawki AC kala lah ban pynliem ïa ka Ïaikyntiew Pamtbuh SC lyngba ka jingïashut tie-breker da 6-5 kol.
Ïa ka nam man of the match la rah da u Andrias Khyriem jong ka Ïaikyntiew Pamtbuh SC, ïa ka nam top scorer la rah da u Batis Lamin jong ka Dawki AC, ïa ka nam best goal keeper la rah da u Suki Lamin jong ka Dawki AC.
Katba haka jingïakhun ka Upper Division la rah daka Man-i-bha SC Shkentalang da 1-0 kol ïa ka Umladkhur SC lyngba ka goal ba la thep da u Emaia Rasmmut haka minit ba 85.
Ïa nam man of the match la rah da u August Surong jong ka Man-i- bha SC, ïa ka nam top score la rah da u Dongmi Surong jong ka Tympang Club Pdengshakap, ïa ka Nam best goal keeper la rah da u Ahbhyahlang khyriem jong ka Tympang Club Pdengshakap.
