Ka Nangbah Mulang sc kala pynliem iaka Pohplet Fc da 3-2 kol naka bynta ban khur iaka nam lahduh haka lympung ialehkai 11th Secondary school Football Knock-out Tournament 2024-25.
Hakane ka jing ia khun Final kaba la long haka sngi saitjain,la wan ban pynhap pyrda da u Thombor Shiwat CEM JHADC,haka jing ia don lang u Medling Swer EM JHADC,u Dapmon Tariang General secretary ASSA,u Daloi Elaka Satpator,ki riew paw khmat ka thain bad kumjuh ruh ki nongkitkam naki synjuk ialehkai ba pher ba pher jong ka thain.
Iaki kol jong ka Nangbah Mulang sc la thep da u Deibormame Tongper haka minit kaba 3,u Sangti Janai haka minit kaba 70 bad u Civility Khongmalai haka minit kaba 73.
Katba iaki kol jong ka Pohplet Fc pat la thep da u H.Minghlu Vankal haka minit kaba 23 bad u Aibiang Nongneng haka minit kaba 36.Lyngba kane ka jing jop ka Nangbah Mulang sc ka la ioh iaka song pisa kaba T.3,50,000,katba ka Pohplet FC kala ioh T.2,50,000 ryngkat ki Trophy.
Nangta la ioh ruh ban sam iaki khusnam shimet shaki rang ialehkai ka Nangbah Mulang sc ba kynthup iaka nam Man of the match bala ioh da u Civility Khongmalai bad nam Best Goalkeeper la ioh da u Ialam Biam.
