Ka Nongkhroh rim kala long ka lahduh ha ka lympung jong ka Thadlaskien Sport Association Football League hadien ba ka la pynliem da 1-0 kol ïa ka Niriang SC ha ka jingïakhun phainal kaba la long ha ka 29/03/25 ha madan ka Wahiajer Multi Sport Complex Stadium.
ïa katei ka shikol la thep da u Helpmi Mukhim ha ka minit ba 28 jong ka jingïalehkai.
Ha kane ka sngi u ma Wailadmiki Shylla MLA ka Jowai Constituency ula long u kongsan, ha ka jingdonlang u ma Reformingson Lamare MDC Wahiajer kum u Symbud kongsan, u DSO West Jaiñtia ma Khroobok Passah, u ma Richard Uriah Principal ka North Liberty HS School, u ma Jesse Suiam MDC Moodymmai Nongkhroh, lem bad ki Members ka Thadlaskieñ Sport Association.
La sam ruh ïa ki khusnam sha ki nongïalehkai ïa ka nam best Goalkeeper la ïoh rah da u Wanshan Kharsohnoh na ka Nongkhroh rim, ïa ka nam man of the match la ïoh da u Helpmi Mukhim na ka Nongkhroh rim, Top Scorer la ïoh da u Rahbok Synnah na ka Nongkhroh rim.
Na ka liang ka kynhun jong ka Nongkhroh rim ka la ïoh rah ïa ka song pisa kaba 1 lakh tyngka, katba ka Niriang SC kala ïoh 50 hajar tyngka.
Ïa ka kyrdan 3rd place lajop da ka Nongkhroh krem kaba la ïoh rong 25 hajar tyngka, hadien ba kala pynliem ïa ka Heiboriongi FC da 5-0 kol.
Kum ban shu pynkynmaw ïa ki cash prize la ai jingïarap pisa da u Deputy Chief Minister ma Sniawbhalang Dhar kumba 1 lakh tyngka ïaka champion, u ma Wailadmiki Shylla MLA Jowai u la ïarap 50 hajar tyngka ïa ka runners up team, katba u Kmenlang Shylla ïa ka third place kaba 25 hajar tyngka.
