Ka kynhun ïalehkai jong ka Amlarem Social Club kala ïoh ban rung sha ka Final jong ka lynpung ialehkai ka Amlarem Football League 2025 haka kyrdan Super Division bala pynïaid da ka Amlarem Sub-Divisional Sports Association (ASSA), ha Madan phutbol ka Jaraiñ, West Jaiñtia Hills District.
Haba phai sha ka jingïakhun Semi Final mynta ka sngi 15 tarik u Nohprah ka Amlarem Social Club kala lah ban pynliem da 1-0 kol ïaka Sohlawiat SC, ïa katei ka shikol naka Amlarem SC la thep da u Tiplang Rasmut haka minit ba 80.
Ka jingïakhun Semi Final (Eliminator) lashai ka sngi 16 tarik kan long haka por 1 baje nohphai sngi hapdeng ka Lamin XI pyrshah ïaka Lumpyngngad SC.
Shuh shuh la pyntip ha kane ka lympung Amlarem Football League 2025-2026 ki don kumba 86 tylli ki kynhun kiba wan ban ïashim bynta. Haka Super Division ki don 8 kynhun, haka First Division 16 kynhun, haka Second Division ki don 62 kynhun. Ha u snem ban wan jong ka lympung ka ASSA kan pynmih sa ka kyrdan Third Division.
Ïa ka jingïakhun Final jong ka Amlarem Football League 2025 yn pynkut haka 22/12/2025.
