Ka lympung ïalehkai phutbol jong ka Amlarem Football League 2025-2026 jong ka kyrdan Super Division bala pynïaid da ka Amlarem Sub-Divisional Sports Association (ASSA), ha Madan phutbol ka Jaraiñ West Jaiñtia Hills District kala jam sha ka jingïakhun Semi Final haka 15.12.2025.
Ki saw tylli ki kynhun kiba ïoh rung sha ka Semi Final ki long ka Amlarem SC, ka Sohlawiat SC, ka Lamin XI bad ka Lumpyngngad SC.
Ka jingïakhun Semi Final ba nyngkong kan long hapdeng ka Amlarem Social Club pyrshah ïaka Sohlawiat SC haka por 1 baje nohphai sngi.
Shuh shuh la pyntip ha kane ka lympung Amlarem Football League 2025-2026 ki don kumba 86 tylli ki kynhun kiba wan ban ïashim bynta, ha ka Super Division ki don 8 kynhun, haka First Division 16 kynhun, ha ka Second Division ki don 62 kynhun. Ha u snem ban wan jong ka lympung ka ASSA kan pynmih sha ka kyrdan Third Division
Ïa ka jingïakhun Final jong ka AFL 2025-26 yn pynkut haka 22/12 /2025 la ong u Sport Secretary ka ASSA.
