Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills kala long mynta ka sngi 17 tarik u Naiwieng haka jingïakhun 1st Semi Final ha madan Wahiajer Multi-Sports Complex.
Haba phai sha ka jingïakhun ka Larnai SC kala pynliem da 3-1 kol ïaka Ummulong SC ïa ki kol na ka Larnai SC la thep da u Ïaidonryngkat Shadap haka minit ba 10 & 80+2 bad u Remember Khongïong haka minit ba 70. Katba ïaka shikol na ka Ummulong SC la thep da u Lamphrang Dkhar haka minit ba 3. Lyngba kane ka jingjop jong ka Larnai SC kala ïoh ban rung syndon sha ka Final jong kane ka lympung.
La pyntip ka jingïakhun 2nd Semi Final kan long lashai ka sngi 18 tarik hapdeng ka Khliehtyrshi SC pyrshah ïaka Nongkhroh Mawsiang SC.
