Ka kynhun ïalehkai jong ka Sutnga SSCC kala ïoh ban rung sha ka Final jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy, ïa kaba la pynïaid daka East Jaiñtia Hills District Football Association (EJHDFA).
Kane kala wan hadien ba ka Sutnga SSCC kala lah ban pynliem da 6-5 kol ïaka Diengshynrum SC lyngba ka jingïashut Tie Breaker, ha ka jingïakhun mynta ka sngi ha madan Artificial Turf, Diengshynrum, Khliehriat.
Haba phai sha ka jingïakhuh hapdeng kine ki ar kynhun mamla kila ïoh ban thep mar ar tylli ki kol (2-2) da kaba ïakhaid haduh ba kut jong ka por ïakhun.
Ïa ki kol na ka Sutnga SSCC la thep da u Ker Syrti haka minit ba 26 bad u Niponghi Sumer haka minit ba 27. Katba na ka Diengshynrum SC la thep da u Rumi Lyngdoh haka minit ba 30 bad u Manfull Rupsi ha ka minit ba 83.
Ïa ka nam Player of the Match la ïoh rah da u Niponghi Sumer naka Sutnga SSCC uba lah ban ïalehkai bha ha kane ka jingïakhun.
