-Jop ka Carpedien ha ka 1st Women League –
Ka jingïakhun Semi Final ba ar kaba la long mynta ka lah sngi u Blei haka lympung ïalehkai phutbol jong ka kyrdan 13th Chatister Kharkongor Memorial Trophy 1st Division Football Tournament-2025 bala pynïaid daka West Jaiñtia District Sports Association (WJDSA) ha madan Kiang Nangbah Stadium Dongmihsngi, Jowai.
Ha kane ka jingïakhun Semi Final ba ar ka Madan Thadmuthlong SC kala lah ban pynliem da 3-1 kol ïa ka Lion Sports & Youth Affairs, ïaki kol naka Madan Thadmuthlong SC la thep da u Precious Tang haka minit ba 1 & 73 bad u Pynïaidmiki tang haka minit ba 18. Ïa ka shikol naka Lion Sports & Youth Affairs la thep da u Edius Laloo haka minit ba 51.
Lyngba kane ka jingjop jong ka Madan Thadmuthlong SC kala ïoh ban rung syndon sha ka jingïakhun phainal jong kane ka lympung mynta u snem.
Haba phai sha ka jingïakhun jong ka 1st Women League Football Tournament 2025 kaba la long mynta hi ka sngi ka Carpedien kala jop da 3-0 kol ïaka Spahmariang, ïa kitei ki kol naka Carpedien la thep daka Daphi Dkhar haka minit ba 9 & 43 bad ka Elizabeth Thianglai haka minit ba 35.
