Ka Dorbar shnong Pdengshakap kaba pyniaid ia ka jingialehkai football jong ka ia kaba la tip kum ka 11th Secondary School Football Knock-out Tournament 2024-25, ha madan Pdengshakap, West Jaintia Hills kala dang iaid shait shait mynta.
Ki jingialehkai bala dep pynlong la ioh ban sdang ia artylli ki jingialehkai 2nd round, haka jingialehkai ba nyngkong ka Brother Enterprises FC kala jop ia ka Kynrumlang-i FC da 5-4 kol da ka jing ia shut Tie-breaker hadien bala kut ka jingialehkai da 0-0.
Haka jingialehkai kaba ar pat ka Rymbai Shkenshynriah SC kala jop ia ka Amlanai Yb da 2-0 kol. Ia kine ki ar kol jong ka Rymbai Shkenshynriah SC la ioh ban thep da u Jeremy Nongtdu ha ka minit kaba 52 bad u Hesmiky Rymbai ha ka minit kaba 54.
Te na ka liang jong ka Tournament Committee kan bteng biang ia ka jingialehkai ha kane ka sngi Saitjain ban wan, ka jingialehkai ha ka por 12 baje mynsngi ka Synroplang FC pyrshah ia ka Nangbah Mulang SC, katba ha ka por 2 baje nohphai sngi pat ka Golden Lion FC (Rymbai) pyrshah ia ka Namrhenlang-i FC.