Ka Dorbar Shnong Pdengshakap kaba pynïaid ïaka jingïalehkai Football ïaka ba la tip kum ka 11th Secondary School Football Knock-out Tournament 2024-25, kaba la long ha kane ka sngi Saitjaiñ 8 tarik kala ïoh ban bteng biang ïaki artylli ki jingïalehkai 2nd Round.
Haka jingïalehkai ba nyngkong ka Azad Afc2 kala jop ïaka DC da 4-3 daka jingïashut Tie-Breaker hadien bala ïa khaid ka jingïalehkai da 2-2, ïaki ar kol jong ka DC la ïoh ban thep da u Shongsuk Jungai haka minit kaba 14 bad u Fred Lamare haka minit kaba 36, katba ïaki kol jong ka Azad Afc2 pat la ïoh ban thep da u Wad Shwa Lato haka minit kaba 38 bad u Bachan Pale haka minit kaba 70.
Haka ka jingïalehkai kaba ar pat ka KSF FC kala jop ïaka Golden Lion Syndai FCda 2-0. Ïa kine ki ar kol jong ka KSF FC la ïoh ban thep da u Owan Pajuh haka minit kaba 69 bad u Aenam Jyrwa haka minit kaba 70.
La pyntip ba yn bteng biang ïaka jingïalehkai 2nd Round ba khatduh ha kane ka sngi Saitjain ban wan kata tang shi Games ha kaba ka YC Pdengkarong kan ïaleh pyrshah ïaka Nongdawah SC (Mawryngkneng) haka por 2 baje nohphai sngi.