Ka Dorbar Shnong Pdengshakap kaba pyniaid iaka jingialehkai football kaba la tip kum ka 12th Secondary School Football Knock-out Tournament 2025-26, ha madan Pdengshakap, West jaintia Hills.
La ioh ban sdang ia artylli ki jingialehkai 2nd round, haka jingialehkai ba nyngkong ka Border line Fc kala jop ia ka Syndai Combine Fc da 1-0 kol, iaka shikol naka bynta ka Border line Fc la ioh ban thep da u Pynkhlain Nongrum haka minit kaba 39.
Haka jingialehkai kaba ar pat ka Pohplet Fc kala lah ban pynliem noh iaka Ryntihlang Fc da 4-5 kol daka jing iashut Tie-breaker hadien bala kut ka jingialehkai da 1-1 kol, iaka kol jong ka Pohplet Fc la ioh ban thep da u Lucky Khyriem haka minit kaba 7, katba iaka Ryntihlang Fc pat la thep da u Lifeboy Surong haka minit kaba 56.
Te naka liang jong ka Tournament Committee kan bteng biang iaka jingialehkai haka 7 tarik(Sngi Saitjain) ka jingialehkai haka por 12 baje shiteng sngi ka Amj The Boy’s pyrshah iaka Ksu Thadmuthlong Fc, katba haka por 2 baje nohphai sngi ka Youngstar sc (Nongtalang) pyrshah iaka Halari Fc.
