Ka jingïalehkai phubol bala pynïaid daka West Jaiñtia District Sports Association (WJDSA), kaba la long mynta ka sngi 8 tarik u Nailur haka kyrdan ‘5th Adelbert Memorial Trophy kaba tip kum ka 3rd Division Football Tournament 2025, kaba la pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division ka Lumsliarsliar Mupliang kala jop da 2-0 kol ïa ka Y.S Welfare Pynthorlangteiñ, ïa kitei ki kol na ka Lumsliarsliar Mupliang la thep da u Spain Rymbai haka minit ba 38 bad u Sambha Sna haka minit ba 63.
Katba haka jingïakhun kaba ar ka Youth Welfare Iooksi SC kala jop da 3-0 kol ïa ka Lion Social & Cultural SC, ïa kitei ki kol na ka Youth Welfare Iooksi SC la thep da u Pyrkhat Paslein haka minit ba 24, u Wompher Tangliang haka minit ba 38 bad u Sammaia Sumer haka minit ba 60.
Ha ka jingïakhun kaba lai ka long hapdeng ka Tpep-pale bad ka Saindur Mihmyntdu SC kila poi sha ka jingïakhaid khlem don kiba ïoh ban thep kol (0-0).
Katba ha ka jingïakhun kaba saw pat ka Mookaswan Dongnein SC kala jop da 2-1 kol ïa ka Loomiongkjam, ïa ki ar kol na ka Mookaswan Dongnein SC la thep da u Pyrkhat Shylla haka minit ba 13 bad u Lastborn Phawa haka minit ba 64. Ïa ka shi kol na ka Loomiongkjam la thep da u Emdor Lamar haka minit ba 39.
