Ka jingialehkai Football kaba la tip kum ka 1st – Wailadmiki Shylla Young Festival Football Tournament-2026, ia kaba la pynlong ha Madan Thad Mukhla, West Jaintia Hills District kala sdang naduh mynta ka sngi 7 tarik January, 2026. Ha kane ka lympung ialehkai football la don haduh 30 tylli ki kynhun bapher bapher kiba la wan ban iashim bynta. Ka jingialehkai ha kane ka lympung ka long da ka Knock-Out.
Mynta ka sngi la don ar tylli ki jingiakhun, ha ka jingiakhun kaba nyngkong (First game), ka jingiakhun ka la long hapdeng ka Mukhla-A pyrshah ia ka Plongingkhaw ha kaba ka Mukhla-A kala pynliem ia ka Plongingkhaw da 1-0 kol, ia katei ka shi kol jong ka Mukhla-A la thep da u Felixson Bang ha ka minit kaba 45 jong ka jingiakhun.
Katba ha ka jingiakhun kaba ar (2nd game) pat ka Khliehtyrshi ka la lah ban pynliem ia ka Panaliar da 2-0 kol, ia kitei ki ar tylli kol jong ka Khliehtyrshi la ioh ban thep da u Lam Dkhar ha ka minit kaba 12 bad ia ka goal kaba ar la thep da u Khrawkupar Kharsyntiew ha ka minit kaba 13 jong ka jingialehkai.
