Ka Khlachympa Sports & Cultural Club (KCSCC) ka la sdang ia ka 8th Interdong Football Tournament mynta ka sngi ia Kane ka jngialehkai la wan plie pyrda da u ma Lahkmen Rymbui uba dei u Local MLA kum u kongsan ha ryngkat ka jingiadon lang u ma Kat Kassar u Secretary Nongtalang Pyllun kum u Symbud Kongsan ryngkat ki wei de ki riew rangbah hapoh Shnong.
Ka jingialehkai mynta ka sngi ka long ha pdeng ka New Nonglamin SC pyrshah ia ka Shnongthymmai SC ha kaba ka new Nonglamin SC ka la khur ia ka nam jop da ka 2 kol la 1. Ia kine ki 2 kol ka new Nonglamin ki wan lyngba u Laiki Nonglamin bad u Ravi Manar, katba ka 1 kol ia ka Shnongthymmai SC la thep da u Remiwell Pohchen shwa ban kut ka jngialehkai.
U namtam ha kane ka jngialehkai u dei u Tariang Lyngdoh jong ka New Nonglamin SC.
Na ka liang jong u Kongsan ma Lahkmen Rymbui mynta ka sngi ula noh synniang sha ka Khlachympa Sports & Cultural Club (KCSCC) Rs.50,000/- (Sanphew hajar) tyngka, kum shi bynta ban iarap ia kane ka Club ba kan dang lah ban nang kiew shaphrang ha ki kam jong ka.
