Sdang ka lympung ïalehkai phutbol 2nd bad 3rd Division ka WJDSA

Ka West Jaiñtia District Sports Association (WJDSA) mynta ka sngi Saitjaiñ 23.8.2025 kala sdang ïa ka lympung ïalehkai phubol ha ki ar tylli ki kyrdan kata ka ‘8^th  Debo Shullai Memorial Trophy ne kaba la tip kum ka 2nd Division Football 2025 bad ka ‘5^th Adelbert Memorial Trophy kaba la tip kum ka 3^rd Division Football 2025, ia kaba la pynlong ha madan Kiang Nangbah Stadium Dongmihsngi, Jowai.

            Haba phai sha ka jingïakhun ba nyngkong haka kyrdan 3^rd  Division ka Loomiongkjam SC kala jop da 2-0 kol ïa ka Chyrmang Wah. Ïa ki kol na ka Loomiongkjam SC la thep da u Kamwamut Bamon haka minit ba 4 bad u Embhahlang War haka minit ba 35.

Ha ka jingïakhun kaba ar ka West Madan Mustem kala jop da 2-1 kol ïaka Mookaswan Dongneiñ, ïa ki kol na ka West Madan Mustem la thep da u Beloved Talang haka minit ba 3 bad u Nineciful Shylla haka minit ba 60, katba ia ka shikol na ka Mookaswan Dongneiñ la thep da u Lastborn Phawa haka minit ba 35+1.

            Katba haka 2^nd Division ka kynhun jong ka Lumbhahdakha Wahiajer kala jop da 3-2 kol ïa ka Luti Tuber Social Welfare, ïaki kol na ka Lumbhahdakha Wahiajer la thep da u Kamjuhhi Phawa haka minit ba 3 & 64 bad u Balajied Shylla haka minit ba 27. Ïa ki kol na ka Luti Tuber Social Welfare la thep da u Daphi Dhar haka minit ba 40+1 bad u Chalinstar Lyngdoh haka minit ba 53.

            Baroh ki kynhun kiba wan ban ïashimbynta ha ka ‘8^th Debo Shullai Memorial Trophy 2^nd Division Football 2025 ki don 19 tylli. Katba ha ka ‘5^th Adelbert Memorial Trophy 3^rd  Division Football 2025 ki don 30 tylli.

Ka jingïakhun kan bteng biang haka sngi nyngkong jong ka 25 tarik u Nailar 2025.