Ka lympung ïalehkai phutbol jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kala sdang mynta ka sngi 20 tarik u Risaw, 2025 ha madan Artificial Turf, Diengshynrum, Khliehriat.
La sdang ïa kane ka lympung Super Division mynta ka sngi da ka jingdon ryngkat jong ki nongkitkam bad ki Dkhot jong ka EJHDFA nalor ki riew ïeit phutbol jong katei ka thaiñ.
Ha ka jingïakhun ba nyngkong mynta ka sngi sdang ka Rymbai Shkenshynriah SC kala jop da 5-1 kol ïa ka Thangskai Tiger SC, ïa kitei baroh san tylli ki kol na ka Rymbai Shkenshynriah SC la thep da u Ribiang Dkhar haka minit ba 30, 39, 44, 49, & 90+4. Katba ïaka shikol na ka Thangskai Tiger SC la thep da u Suting Syrti haka minit ba 2.
Ha ka jingïakhun kaba ar ka Chiehruphi SYWSC kala jop da 1-0 kol ïaka Shilliang Umshong SC, ïa katei ka shikol na ka Chiehruphi SYWSC la thep da u Rigenncy Lapasam haka minit ba 82.
Ka jingïakhun lashai ka sngi 21 tarik kan long hapdeng ka Lad-Rymbai-B SC pyrshah ïaka Dhana CSC, katba ka Sutnga SSCC pyrshah ïaka Diengshynrum SC.
