Ka jingïalehkai phutbol jong ki kynthei bala pynïaid da ka East Jaiñtia Hills District Football Association kaba la tip kum ka Women’s League 2025 kaba la sdang mynta ka sngi 9 tarik u Nohprah ha madan Artificial Turf, Diengshynrum, Khliehriat East Jaiñtia Hills District.
Haba phai sha ka jingïakhun ba nyngkong hapdeng ka Umshong SC pyrshah ïaka Jalyiah United SC kila poi sha ka jingïakhaid khlem don kiba ïoh ban thep kol (0-0).
Katba haka jingïakhun kaba ar ka Byndihati SC kala jop da 14-0 kol ïaka Narpuh WWSC, ïa ki kol na ka Byndihati SC la thep 8 kol marwei daka Makrisha Songthiang haka minit ba 6,20,24,31,42,54,60&79, ka Charlinda Nongtdu 3 kol haka minit ba 12,35&37, ka Deimonmi Lyngdoh haka minit ba 23, ka Happily Lyngdoh haka minit ba 55 bad ka Diwakar Dkhar haka minit ba 77.
Ha kane ka sngi sdang jong kane ka lympung la wan ban plie pyrda da u ma James Sutnga uba dei u General Secretary ka EJHDFA, ha ka jingdonlang ki nongkitkam bad ki Dkhot ka seng kiba kynthup ïa u ma Mehiwot Shadap (Working President), ma Embhahlang Lamurong (Tournament Secretary), ma Sookini Pohplet (members) nalor kiwei de bad ki riew ieit phutbol jong ka thaiñ.
