Ka Meghalaya Sports and Youth Affairs (MSYA) ka dang pynkhreh mynta shaid shaid na ka bynta ka jingialehkai “39 National Games” ka lympung ïalehkai kaba heh tam ha ka ri, ia kaba ka Jylla Meghalaya kan pdiang (host) ha u snem 2027 ha ryngkat katto katne ki Jylla kiba don ha ka thaiñ Shatei Lam Mihngi (North East India).
Ban pyntikna ia ka jingpynkhreh kaba paka, ka MSYA ka la pynlong ia ka program lane ka jingïit ia ki khynnah donsap ha ki jait jingialehkai bapher bapher. Ha kane ka kynti, ka MSYA ka la leit sa sha Nongpoh na ka bynta ban sei ia ki khynnah kiba donsap ha ka jingialehkai siat khnam (Archery) kiba don ha kitei ki thaiñ, ha madan Pahamsyiem.
Ha katei ka program, la ai ruh ka jinghikai, ka jingkilan met na ka bynta ki 37 ngut kiba la wan ban ïashim bynta. Ka MSYA kan bteng ia kane ka program ha kylleng ki Distrik jong ka jylla, kata ha shwa ban sdang ia kane ka lympung ba heh ha ka jylla.
