Ka Rangdajied United FC ka la ioh ban khur 3 poin hynne ka sngi ka 3 Risaw 2025 ha ka jingiakhun pyrshah ia ka Malki SC na ka bynta ka wat ba 7 jong ka lympung Shillong Premier League (SPL) ha ka jingiakhun ba la pynlong ha madan SSA Stadium Polo Shillong.
Ha katei ka jingia-aireng, ka Rangdajied ka la thep haduh 4 kol lyngba u Denelson Pyngrope (16), Parborlang Khonglikong (64), Wansiewdor Nengnong (76) bad shi kol na u Freddy Jyrwa (79) katba ka Malki ka la ioh ban pynphai tang shi kol lyngba u Hilford Lyngkhei (39).
Lyngba katei ka jingjop ka Rangdajied ka la ioh ban kiew ha ka kyrdan ba 5 lyngba ka jingioh 9 poin katba ka Malki ka dang neh ha ka kyrdan ba 6 da ka jingioh 6 poin.
Ka jingiakhun na ka bynta ka sngi kaba lashai (4.10.2025) kan long hapdeng ka Mawlai SC pyrshah ia ka Laitkor SC ha ka por 4:30 PM.
