Ka lympung ialehkai Badminton, ia kaba la tip kum ka Open To All Master (Veteran) 2025, kaba la pyniaid da ka West Jaiñtia District Badminton Association (WJDBA), Jowai, la wan ban plie pyrda ia ka mynta ka sngi jong ka 12 tarik Nailur (September), da u ma J.M Pohsngap Ex- President WJDBA. Ia kane ka lympung la pynlong ha Seiñraij Indoor Hall, Tpep-Pale Jowai.
Ha kane ka lympung kaba long tang na ka bynta ki rangbah (Shynrang), la wan ban iashim bynta shongshit naduh ki nongialehkai na ka jylla Assam, Arunachal Pradesh bad na kylleng ki District jong ka jylla Meghalaya.
Ha kane ka jingiakhun kala long ha ki kyrdan 75+ Minimum age 35, 85+ Minimum age 40, 95+ Minimum age 45 bad 105+ Minimum age 50. Ha kaba ki jingiakhun kiba la long mynta ka sngi ki la don haduh 34 tylli (34 games). Katba kiba poi sha ka jingiakhun Final ka ban long ban long lashai ka sngi 13.09.2025 kan don 12 tylli ki jingiakhun.
Ha kane ka sngi plie ia kane ka lympung Badminton la donlang u ma Dawanroi Pyrbot, President WJDBA, ha ka jingiadonlang u ma Teddy Laloo Publicity Secretary WJDBA, ma Sunday Tariang veteran player, lem bad kiwei de ki nongkitkam ka WJDBA.
