Ar ngut ki samla kynthei na West Jaintia Hills Distirct, ki la ioh ban wanrah burom ia District da kaba ioh khur ia ki Silver Medal ha ka jingiakop kaba la tip kum ka Asmita Khelo India Wushu Women’s League 2025, kaba la long ha ka 9 August, 2025, ha SAI Centre Nehu Mawlai Shillong, ia kaba la pyniaid da ka Meghalaya Wushu Association.
Kitei ki ar ngut ki samla ki dei kiba la tip kum ka Wanbhaki Suchiang kaba pule Class XII arts, naka School Seinraij Higher Secondary School Jowai, kaba la ioh khur ia ka Silver Medal ha ka kyrdan Senior Woman – 45 kg bad ka Valiancy Lamare, kaba dang pule class VIII, ha ka Donbosco School, Mihmyntdu ka la ioh ban rah ka silver medal ha ka kyrdan Sub-Junior -40 kg.
Ha kane ka lympung ïa kura la ia lam khmat da u Ferdinand Suchiang bad Riwodmiki Lyngdoh, ha kane ka jingïakura u Niawki Ïakai u ba dei u Coach bad u dkhot jong ka West Jaintia Hills District Wushu Association u ba long kum u Head judge ha kane lympung ïa lehkai.
Naka liang jong ka West Jaintia Hills District Wushu Association, ka kitbok kitrwiang ïa kine ki thei ia kura ba ki dang kiew shuh shuh shakhmat ha kane ka kam ialehkai sport. Ka Association ka ai khublei ruh ïa ki Principal jong kine ki ar tylli ki skul bad kumjuh ruh ïa ki kmie ki kpa jong kine ki thei ia kura.
