WJDSA: Ïakhaid ka jingïakhuh Super Division, Jop ka Ladthadlaboh 13 kol haka 1st Women League

Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long mynta ka sngi 31 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun Super Division hapdeng ka Mooknor Thadmuthlong bad ka Nangbah Mulang kila poi sha ka jingïakhaid da mar 2-2 kol, ïaki kol naka Mooknor Thadmuthlong la thep da u Manhok Suchiang 90+1 & 90+3. Katba na ka liang ka Nangbah Mulang la thep da u Shanhok Siangshai haka minit ba 31 & 59.
Haka jingïakhun jong ka 1st Women League Football Tournament 2025 kaba la long mynta hi ka sngi ka Ladthadlaboh kala lah ban pynliem da 13-0 kol ïaka Q.C.S Football Women Club, ïa kitei ki kol naka Ladthadlaboh la thep 7 kol marwei da ka Daphimon Khyriem haka minit ba 3, 11, 18, 22, 29, 30 & 54, ka Prema War kala ïoh ban thep lai kol haka minit 7, 12 & 42 bad mar shikol ka Risaka Phawa haka minit ba 23, ka Diwali Dkhar haka minit ba 35 bad ka Naki Kso haka minit ba 57.