Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long mynta ka sngi 6 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun Super Division hapdeng ka Ladthadlaboh bad ka 7-Wasa United kila poi sha ka jingïakhaid da mar shikol (1-1). Ïa ka kol naka Ladthadlaboh la thep da u Rangdajied Sayoo haka minit ba 45+3, katba ïa ka kol naka 7-Wasa United la thep da u Arwanki Rymbai haka minit ba 90+4.
Katba haka jingïakhun jong ka 1st Women League Football Tournament 2025 kaba la long mynta hi ka sngi ka Ladthadlaboh kala pynliem da 5-0 kol ïaka Spahmariang, ïa kitei ki kol na ka Ladthadlaboh la thep da ka Ripa Suchiang haka minit ba 14, ka Prema War haka minit ba 26 & 55 bad ka Daphimon Khyriem haka minit ba 32 & 43.
