Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long mynta ka sngi 21 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Chutwakhu kala pynliem da 4-1 kol ïaka Mooknor Thadmuthlong, ïa ki kol na ka Chutwakhu la thep da u Gladio Susngi haka minit ba 4 & 69, u Wanrilang Lamare ha ka minit ba 42 bad u Ewanmida o Langstang ha ka minit ba 79. Ïa ka shikol na ka Mooknor Thadmuthlong la thep da u Manhok Suchiang ha ka minit ba 34.
