Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long mynta ka sngi 5 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun Super Division ka Demthring kala jop da 7-0 kol ïaka Youth Cultural Sohmynting, ïa ki kol Demthring la thep da u Forman Nongsit haka minit ba 15, u Phransis Mukhim haka minit ba 46 & 70, u Teibha Lamin haka minit ba 53, u Civilin Khongmalai haka minit ba 59, u Primrose Lamat haka minit ba 69 bad u Heisa da e Ryngkhlem haka minit ba 81.
Katba haka jingïakhun jong ka 1st Women League Football Tournament 2025 kaba la long mynta hi ka sngi ka Carpedien FC kala jop da 7-0 kol Catholic Youth SC, ïa kitei ki kol na ka Carpedien FC la thep san kol da ka Deigracia Dan haka minit ba 3, 24, 34, 41 & 60+1, ka Ibanetilut Shylla ha ka minit ba 18 bad ka Peacefully Pohplet haka minit 59.
