Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long mynta ka sngi Saitjaiñ 25 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Demthring kala jop da 6-1 kol ïaka Mooknor Thadmuthlong, ïa kitei ki kol na ka Demthring la thep da u Primrose Lamat lai kol haka minit ba 14, 34 & 87, u Forman Khongsit haka minit ba 46, u Mebakynsai Pale haka minit ba 89 bad u Civility Khongmalai haka minit ba 90+5. Ïa ka shikol na ka Mooknor Thadmuthlong la thep da u Ioolangki Sana haka minit ba 57.
Ha ka jingïakhun jong ka 1st Women League Football Tournament 2025 jong ka WJDSA kaba la long mynta hi ka sngi ka Catholic Youth SC kala pynliem da 2-0 kol ïaka Q.C.S Football Women Club, ïa kitei ki ar kol na ka Catholic Youth SC la thep da ka Aiti Nongtdeh haka minit ba 17 bad ka Ebadashisha Dkhar haka minit ba 55.
