[Banan Sport Club] [New Nonglamin Sport Club]
Ki ar tylli ki kynhun ba khlaiñbor jong ka jingiakhun Inter-dong Football League 2025 ba la pyniaid da ka Seng Samla Khlachympa Sports and Cultural Club Nongtalang, kita ka Banan Sport Club bad ka New Nonglamin Sport Club kin sa iakhun pyrshah ha ka Final ha ka 12 tarik mynta u bnai ban ioh rah ia ka nam lahduh jong kane ka samoi 2025.
Ia ka jingiakhun ha katei ka sngi yn pynlong naduh ka por 1 baje nohphai sngi ha madan Nongtalang hajan ka Nongtalang College.
Ha katei ka sngi yn pynphuh pynphieng ia kane ka tamasa da ka jingwan shim bynta bad sakhi da i Dr. Mazel Ampareen Lyngdoh i MLA ka East Shillong Constituency kum ka kongsan (Chief Guest) bad yn ia don lang ruh u Jamshaphrang Pohtam uba dei ruh u local MDC (War Central) naka VPP kum u symbud kongsan (Guest of Honour) bad kiwei kiwei de ki riew pawkhmat ka thaiñ War Jaintia.
Kumta ki nongpyniaid kila khot la wer ia baroh ki riew ieid football kiba najan bad najngai ban wan sakhi lem, khnang ban pynlong ia kane ka sngi kaba phuh baphieng bad kaba jop.
