Ka lympung ïalehkai phutbol bala pynïaid daka Football Committee jong ka Sports and Youth Sub Committee ka WJSU, ïa kaba la tip kum ka ‘First War Jaiñtia Invitation Football Tournament 2025’, kaba la long mynta ka sngi saitjaiñ 10 tarik haka jingïakhun 2nd Semi Final hapdeng ka Padu United Sports Club pyrshah ïa ka Syndai Pyllun Sports Club ha madan phutbol ka Amsohkrut Amshipai, Amlarem Civil Sub-Division.Haba phai sha ka jingïakhun 2nd Semi Final hapdeng kine ki ar kynhun kala long kaba itynnad bad kaba ïakhaid bha haduh katta katta ha kaba ka Syndai Pyllun Sports Club kala jop da 1-0 kol ïa kane ka kol la ïoh ban pynkhih jar haka minit kaba 10 da u Refill Syndai jersey No. 16, Katba na kaliang ka Padu United Sports Club ka la ïaksaid tyngeh hynrei kam lah satia ban pynphai ïa katei ka kol.Lyngba kane ka shi kol ka Syndai Pyllun Sports Club kala jam shaka Final jong ka First War Jaiñtia Invitation Football Tournament 2025 bad kan ïaknieh ïa ka nam lahduh pyrshah ïaka Amlarem Social Club ha ka 17thMay, 2025 haka por 2 baje nohphai sngi ha katei kajuh hi ka madan.Ha kane ka sngi pynpynhap pyrdan (Closing Ceremony) u MLA ka thaiñ maLahkmen Rymbui uba long ruh u Advisor ka sorkar jylla un long kum u kongsan, haka jingdonlang u Aibor Khongjee, prominent footballer player ba lam khmat ïa kari ha ki rynsan International Tournament, nalor u BS Hayong, prominent retired Geologist ka ONGC bad ki riew rangbah ka thaiñ.
La pyntip ruh ba ka Sports and Youth Sub Committee ka seng kan pynlong ruh ïa ki program pynbyrngia ïa ki paidbah naduh ka por 6 baje haduh 10 baje mynmiet da ka Singing Competition bad Dancing Competition khnang ba ki nongïashim bynta kin ïoh lad ban pyni pyrthei ïala ka sapka phong kino kino kiba kwah ban ïashim bynta ki lah ban phone ha u ne number 8787374071/6909819312 Khadduh ka seng ka khot bad ka wer ïa ki riewieit phutbol hapoh War Jaiñtia bad na kylleng ka Rilum Khasi Jaiñtia ban ïa wan sakhi lang ha kaneka phainal jong ka First War Jaiñtia Invitation Football Tournament 2025.
