[By O. R Challam]
Ka jingdap 50 snem ka State Meghalaya ka jong ngi bad 75 snem ba ngi ioh ka Freedom ne ka jinglaitluid na ka kti ki Phareng, la kyrpad ia ngi ki khun ka Meghalaya bad ka Ri India ba ieit jong ngi shibun ki jing pynkhreh ban leh pyndon burom ia u 50 bad u 75 snem. Ki don jingmyntoi hangne hangtai, ki nongialam ba don jing kitkhlieh ia ka Ri bad ka jaitbynriew ki wan ki leit, ki la don ki office sorkar bapher bapher kiba la tei bha bad ki dang don kiba don ha ki iing wai.
Ha Jowai khamtam la don ka jingpyrshang ban pynsuk ia ka leit ka wan, kumta la pynmih ia ki Subway, Bypass hynrei haba peit ia kine ki ei ki ei la iohi ka long tang ka buit ialeh Election mano re ha kito ki por kine mynta ki la duh la dam khamtam u Lad Nyrtiang bad ha ki thain Amlarem u dang long uba sniew, tang ba hashwa kane ka Celebration u lah ban duh noh. U NH-6 naduh Mawryngkneng ym don shuh ba lah ban buh jingkylli, jia aiu ia une u High Way ka jingmih kaba bun, ioh kan kut noh ka leit ka wan hapdeng ka East Khasi Hills bad West Jaintia Hills, hadein kine ki Celebration baroh 50 bad 75 mynta nga kwah ban buh ia kane ka jing kylli ha ki Nongmihkhmat na kane District phi leh aiu na ka bynta kane, phi ju poi sha ka Constituency jong phi ynda phi la mat ia kane ka jingeh phi sngap ne phi thnum ha mynsein.
Kane Sorkar imat ka ioh permission na ka Transport Authority ban repair ia ki Internal Road hapoh sor Jowai da ka KHYNDEW SAW nga kynmaw naduh ba wan kane ka sorkar MDA, ngim juh iohi shuh iaka PSIANG, lada peit ia ka lynti Syntu Ksiar naduh 2018 ki khlem repair ia une u surok da ka PSIANG bad baroh ki surok Lulong College, Thomas Jone Road ha iew bad ha baroh ki bynta ka Shnong Jowai.
Ngi kum ki nongshong Shnong ngi la pdiang hun ia kane ka jingleh kmie-nah (step motherly treatment) jong ka Sorkar, u MLA bad ka PWD, ka por ka la jan kynmaw ka jing bakla u 2018 ngi ioh da ka KHYNDEW lada ki bakla ha u 2023 tip ngin ioh pat da ka ei. Bishar bniah ia kiei kiei baroh to ia kyndit bynriew.
