Mynta ka sngi 02.08.2023, ka Jaintia National Council (JNC) Jalaphet Unit, hapoh ka jingialam u Vice President bah Phrangsngi Chyrmang ryngkat ka jingiasynran lang ki nongialam ka CEC kila leit hiar sha kawei ka jaka ba hap hapoh ka Elaka Sutnga hajan jingkieng Syrbang ha kaba iadei bad ka jingima jong ka synrang ne ka riat badon ki maw heh kiba lah ban hap ne ur ha kano kano ka por bad kaba buh jingma ia ki briew khamtam ia ki nongleit nongwan.
Kumban shu pynkynmaw ba ha kine ki sngi bala dep ka seng kala dep buh ruh ka jingkyrpad ia ka ophis PWD (Khliehriat) ban leit jngoh ne jurip ia katei ka jaka khnang ban wad ki lad ki lynti ban pynkhuid noh ia katei ka jaka ban lait na ka jingjia ba sngewsih iano re iano.
Ha kane ka Joint Inspection na ka liang ka ophis u E.E PWD Khliehriat bah M. Kharnaior ula kular ban shimkhia ia kane ka kam kat kaba lah shwa, hadien nangta yn phah ruh ia ki nongtrei ban leh ia kaba donkam naka bynta ka bha ka miat jong u paidbah.
Ka seng kala ai khublei ruh ia ka jingshimkhia jong u E.E PWD bad ki Waheh Shnong na Sutnga ma Eban Sutnga bad Jalaphet-Bri Sutnga ma Moin Bareh ba ki kloi ban shim khia khamtam kum kine ki jingma ba lah ban wanlam sha ka jingsngewsih.
