[Da u ma W. Passah, Ex HOD Electronics, St.Edmund’s College]
Ki Nongdie kali (rit, auto dealers) ki dei ban plie noh ki Kor Pynpra Kali ong u Nitin Gadkari, u Union Minister jong ka Road Transport and Highway, ha ka jingkren jong u ha ka Press Meet. Mut aiu ha lyndet ka mut kin die kali bad hadien katto katne ki sa pynpra ban thied da thymmai. Ju iohi ha RC (Registration Certificate) ba yn sa scrap hadien 15 snem lada ym lah pynbha shuh. Naduh u 2014 por synshar BJP la iohi ba la don kine ki arngut kiba riewspah tam ha pyrthei bad la kontrol lut ia Automobile Industry bad Airport ha ka ri India.
Ha kaba la kren ha ki Auto Dealer, u la ong ba kine ki auto dealers (ki nongdie kali rit) ki don ka bynta kaba khraw ban leh.
Ka sorkar kan ai jingbit ia kine ki nongdie ban scrap (pynpra pom ne pynduh) namar ba ka ri India ka pynshlur ban pyndonkam da ki umphniang alternate mut ym dei shuh petrol ne diesel ba khot fossil fuel hynrei kita ki bio fuel (umphniang na ki jhur).
U jingthung Jathropas Curcas uba mih ha ki jaka ktieh uba lah ban long diesel, la lap 40 snem mynshwa. La shongshit por ba la snai bad rem petrol bad diesel. Hynnrei i dor ban pynmih i la palat palat ia i jingmyntoi, te la jah slam i shongshit bio fuel.
U N.Gadksri u la kren ruh ia ka fuel Hydrogen. Por peak COVID ki airline ki la snai bha ba duna passenger bad la plan ban shna engine ym dei shuh jet fuel ba dei umphniang sharak ba tad duh ban ia diesel ruh, hynrei da Hydrogen. Hynrei kynduh mawsiang phi ia mynta ba ka dor jong ka ka kham heh ia jingmih.
Por kren ia ki nongdie Kali rit ha ka Auto Retail (Die khutia iwei iwei), u Gadkari bad ka sorkar ki da pynshlur ia kata ka Economy ba long tyllun kum shalyntem (Circular Economy). Te, namarkata, ka sorkar bad kine ki nongdie kali kin leh ka bynta kaba donkam tam ban pynlong ia ka ri India ka 5 trillion dollar Economy (Mut ban kyntiew sha 5 trillion dollar 1 trillion mut 1,000000000000 I wei sa bud 12 ki naught lane shi klur klur)
Ka India ka dei ka ri kaba long basaw ha kaba shna ia ki kali shong briew (passenger ym dei trok kit mar) bad ka ioh ka kyrdan ba hynriew ha ka pyrthei shi tyllup lada kheiñ na Liang trok kit jingkit. PTI
Parari hap pynshai mo shaphang kane ba phin dup tip yn jia aiu ia ki paidbah ka ri India. Lada phi kynmaw, hu 2002 ei ei la mih kita ki MPFI engine ne Multi Point Fuel Ignition. Kine kim don carburettor shuh. Kine la shna ban pynlong iei tdem mynshwa ita i CO ne carbon monoxide (iba ktah bha ia ki tor ring mynsiem sha CO2 ne Carbon Dioxide bym da sniew than. Khyndiat i Chemistry. CO dei mono oxygen kham sniew i lyer bad CO2 pat ar oxygen ban ym da sniew kum single Oxygen.
Ia ki engine la modify ban pyndep ne pynhun ia ka aiñ Euro ha Europe bad kiwei pat ki ri bad Bharat pat ha India. La khot Bharat norm bad Euro norm.
Te hu silencer la hap buh ita i CC ne Catalytic Converter. Ine i CC i heh kat i lut 10T ba la buh 2 tylli ha tyndong mih tdem.
Ine i CC i dei i dawai Palladium ne Rhodium. Bad parari sa iwei i jingdonkam. Ka petrol mynshwa, lada phi kynmaw kada sma iwbih ba don lead ( sisa) ban pynkhlaiñ ia combustion ne jingpluh i gas ha chamber ba khih ki piston. Bad ine i lead petrol in sa pynduh bor ia ki CC (Pallium ne Rhodium).
Te ia ka petrol ba ngi la pyndonkam shwa ine i aiñ la Euro ne Bharat, hap weng noh i dawai lead (sisa). Sa mih ka unleaded petrol.
Ki ri ba burom bad ieid ia ki nongthied ki da buh quarantee ia ki CC ne Catalytic Converter. Shu buh ka pollution board ka la test ia ka kali ka jong phi bad ka fail pollution test. Wat khuslai namar phi hap rah ia ka kali sha kato ka karkhana ka Trai ba shna. Shubuh ka kali dei BMW. Phi hap pyni hangto ha BMW. Ki nongshna ki buh quarantee iu CC (uto ba pynkylla CO sha CO2) a quarantee ka ju long 2 lak kilo metre ei ei. Mut lada fail pollution test kane ka BMW kan check iu odometer (u ba pyni katno kilometre la iaid).
Uei u odometer? Une u pyni katno km phi la pyndonkam. Hey parari dei ine keiñ ba ha ki ri ba burom bad pyrkhat ia ki customer second hand ne ki nongthied, ban tamper (leh buit tuh) iu odometer yn hap shah daiñ kuna kaba sngang.
Sngewsih ban iathuh ha ri India ym don aiñ shu jhulum katba mon. Te jia aiu ha ri jongngi. Don ki riewthok. Mar pyni 30,000 Km ba la iaid ki law iu cable speedo-meter uba dei odo. U ba pli u nongrep ba bha ka rep bad ki khun ruh la donkam kali u thied dor brand new duna khyndiat ia kato ka kali kaba la iaid 3 lak kilometre tam. La kmen bad la leit sha shnong ban pyni meiieid.
La ñiah 40 Km bad la sah kut. La die kilo ha u mama dkhar ban kit sha Byrni ban saiñ nar rod Khambenu. Kiba duk te shah khñiot beit na baroh sawdong.
Balei parari nga hap pynshai thik pa thik ka dei ba phin dup tip kane ka sorkar ka tuh na ki ba duk ban pynsngaid iu heh Saipan ba heh duh.
Lada ki auto dealer ne nongdie ki hap ban kohnguh bad ngeit iu ne u Minister N. Gadkari, balei te yn donkam test pollution aiu pat. Bad shi kyntien halor test pollution. Mynta ka registration number ka la poi AA mut Z la dep kut. Don 9999 tylli ki kali shi Alphabet. 10,000 multiply du 23 (don alphabet bym long thoh) te parari sa pyrkhat bha. Buh sharud 50 %. Te katno la test ha Lumpynngad. Ki all India truck pat, ine i State Pollution i la ju kitkhia ngam tharai. U paidbah u don ha ka dum tliw bad la bret ia ki aiñ pollution sha ki ksew.
Bad ha India bym don aiñ iu odometer law tang 100km ruh, long hok hi ban thok ban shukor iu nongthied ?
Ban suk leit ophis bad on skul la pan ram na Bank. La thied bad shu buh phi ñiah bad leit ophis bad buh skul 100km shi sngi. 15 snem lait Sunday bad shuti shu buh 15X300 (sngi shi snem)X100 Km poi 4 lak 50,00 Km. U tourist taxi pat 15X300X 300 (Shillong Borjhar up down) mih 3 shah 13 lak 50 hajar km.
Parari dei tang lada ka company ka la lap ba ym lah repair iu CC ne ki gearbox differentials la sniew palat te la hap die kilo lade. Phai sha ki trok High Level overload na 32 ton u dewiong sha 45 ton bad 25 ton jingkhia ka trok, 4 snem te la dei ban scrap hynrei kynmaw ki malik dei ki nong synshar.
U N Gadkari u la kop ia bio fuel. Bad um bna ba u Jatropa Curcas u bio fuel diesel um iaid kam ne ki khot ym long cost effective.
Ym pat don ba la shna Hydrogen, hey Mr Gadkari sngew, bha kylli na ki Airlines na Bilat ne Amerika. Dang shu plan bad ki scientist ki tieng ba i dor shong erplane ioh ym don ba shong shuh.
Mr N. Gadkari la jia aiu ia i kali elektrik. Ha National Media la iakren ki draibar ba ki iathuh ba ynda mut ban charge, u nongcharge u la ong load shedding, Khatom. La sahkut shiteng lynti. Ha Kerala uwei u briew u la charge ha iing. Ym don aiñ bad ym shah na 2 ki daw. Shim nuksa ka BMW u MR, u Conrad Sangma 240 BHP mut 80 HP ei ei. 1 HP mut 750 Watt. Te. 80HP mut 60,000 Watt mut 60 KWatt. Hey ar phase i iing i lah ban tan 3 bad 3 Kilowatt. 60 Kw ka MeECL kam shah kat kum ka aiñ Electricity act. To pyrshang phai sha thied generator 70Kw. Ka dem diesel PPM 10 te kaba tieng ki Nong Delhi. Ka State Pollution kam shah. Bad namar domestic ym don bor (Ka Kilowatt), uto u trai kali u la iap ba la bthei ka battery. La pyni ha NDTV la 1 snem tam ei ei. MeEC la kyrpad sngewbha seh pyni ka Indian Electricity act ia kiba mut ban thied kali elektrik.
Ha Switzerland la iathuh u paralok ba i kali Tesla kat i Alto K10 i jong u i hap charge 4 kynta na bynta 500km. La kylli hei ha ri jong ngi te la iamai ne kyndong kti. U la rkhie bad batai. Ha Switzerland don station charge man 20 km ha Highway bad city man 5 km. La kylli ka dor bad u ong khamtad ban shi litre petrol namar ka bor ding dei ka bor Lyer ba la ioh na Denmark. Ka Denmark pat ka la trei shitom ban pynshad pangkha ha duriaw naduh u 2009 por mangi dang phohsniew. Wat mynta ruh dang maka phi imat. Ha COP 26 ha Glasgow ka la kular ia Europe baroh kawei ban ai green energy.
Dei ban da isynei phi ia i jingthmu ban lait tdem carbon dioxide ba la Khiewahleng i Laimied. Haoid, ha Delhi la ñiah dei kali elektrik. Bad Oh la sngew shngaiñ bha iei pyntem i climate change. Hey por charge pat ym dei na NTPC National Thermal Plant Corporation?! Bad ine i pyndonkam i 18th century James Watt Steam engine. Ine i bam du dewiong te phi. Te AQI ha Delhi nang sniew nang sniew.
Ki jingphohsniew kine ar ngut, u PM Modi bad U N. Gadkari tip lada urlong hu ne u spah snem te la bha phi. Bad parari Ngi bym tip ka tdong ka khlieh la kylla long Langkñia ha ki heh Saipan.
U paralok ba ju thoh direct sha Delhi un sa thoh sha Ministry of Roads and Transport. Yn sa pyni ki jingeh ia ki duk ki suk ba donkam kali ym na bynta luxury hynrei adversity. Ka PIl ruh rem palat phi lut da ki lak lada kiew sha Delhi.