Ka Narwan Multipurpose Co-operative Society, haka sien ba nyngkong eh yn pynlong ia ka ‘Narwan Orange Festival’ ha ka shnong Narwan Esat Jaintia Hills District, ia kane ka tamasa yn pynlong haka 30 bad 31 tarik mynta u bnai Kyllalyngkot ha madan Mooknor Narwan, kaba jngai kumba 90 km na nongbah Shillong bad 30 km na Jowai.
U Waheh shnong ka Narwan u ma Lamsuk Langstang u la ong ba ka jingthmu jong ka jingpynlong ia kane ka tamasa ka long ban pyntip shuh shuh ia ki paidbah ba najan bad jngi ia ka jingbang bad ba shngiam jong u soh niamtra katei ka shnong bad uba kham pher kumjuh ban pyni ia ki jingitynnad ki sawdong sawkun jong ka maraing ha katei ka thaiñ.
Ka kong Sookini Sutnga kaba long ka Director jong ka tamasa kaba long ruh ka Miss India International 2022, kala iathuh ba ha kitei ki ar ngi yn don ki nongtem nongput naduh ki DJ, Bands, ka jingpyni riam bad ka jingiakop thei bha briew.
U ma Leo Shadap Secretary Narwan bad ka tamasa u la iathuh ba ha kitei ki ar sngi jong ka tamsa yn don ki jingialeh kai sports bapher bapher kum ka Marathon, Cycle racing, Orange peeling and eating, orange garden site seeing bad kiwei de. kiba kwah ban ïashim bynta ki lah ban phone ha u No: 7005604655/8014825246.
Ha ka jingiadei bad kane ka Festival na ka liang ka shnong bad ka Society ki khot bad wer ia baroh najan bad na jngai ban wan sakhi ia kane ka tama jong ki.
