Ka Seiñraij bad ka Ïew Musiang ki la kylla Marten sah haduh kine ki sngi ki bnai wat hadien ka jingkular pynheh shadem u MLA ka Jowai Constituency. Lada ngi kyrtiang dien kum ban shu kynmaw ïa ka jingkrenkob uto u khynnah nongialam shitda; u nud ban ïeng rynsan ban thok pylleiñ pylleiñ ïa ki paitbah nongshong Shnong ka Jowai khlem ka jingsngewrem ne jingsngewlehraiñ.
Ha ka 17/11/21 u ne khynnah u pynbna ba ka Jowai ka la ïoh jaka Bret ñiut. Tangba u khlem ïathuh pat ïa ka jaka, tip u buhrieh shaei ïaka? Nga kum u nongshong shnong ba don ka jingkitkhlieh, nga sngewdiaw ba ngi shah pynbiej ha kum une u khynnah. Tang katno sngi ki bapli ki nongtrei ka JMB ki la shah beh. Imat une u MLA, u TEST kai ïa ki nongshong shnong. To ngin ïa phai sha kiei kiei ki ba jia hapoh kine ki snem naduh 2018 haduh mynta ha Iewmusiang– ki Lynti ki syngkien? Umbam-Umdih? Pule-Puthi? Ka tender ba 12 Klur? Imat une u dang phohsniew bad ym pat kyndit thiah na ka jingjop Election 2018.
Kane kam dei ka jingshem lanot ba nyngkong ki paitbah ka Jowai. Kane ka ju jia manla ki por leh sngewbha, la ka dei ka jingrakhe Behdeiñkhlam ne ka aiom Khristmas ne jinglehkmen snem thymmai (New Year).
Ki paitbah ki la kthang ïa kine ki rukom kob ba thylli bad ba suda khlem ka kam. Kum ban shu pynkynmaw shuh shuh, shaei ki 50 tylli ki jingthiah ba la pynbna da u CM ba donburom? La rah shaei mo? Ki dang don hapoh pla jong u bad u MLA ne kumno? Ka por ban thok ban shukor bad ka por pynbeij ka don da u pud, ngam tharai shuh ki nongshong shnong kin dang treh die tat dor biang ïa la ka vote sha u ha u ‘23. Husiar paitbah! Ka por ka lah jan . . . Phi jied ia ka roi ka par ne ïa u thlen ban pynkylla Marten ïa ka Jowai?.
