Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long mynta ka sngi 1 tarik u Risaw ha madan Kiang Nangbah Stadium Dongmihsngi, Jowai.
Haba phai sha ka jingïakhun ka kynhun ïalehkai jong ka Nangbah Dukhu kala pynliem da 3-1 kol ïa ka Mukhla Umlangchor, ïa kitei ki kol na ka Nangbah Dukhu La thep da u Shanlang Thubru haka minit ba 6, u Rimi oo Susngi haka minit ba 65 bad u Nathan Biate haka minit ba 67. Ïa ka kol na ka Mukhla Umlangchor la thep da u Request Shylla haka minit ba 74.
Ha ka jingïakhun kaba ar Lion Sports & youth Affairs kala pynliem da 3-1 kol ïa ka Chilliangraij, ïa ki kol na ka Lion Sports & youth Affairs la thep da u Poibiang Pohshna haka minit ba 11, u Prosperwell Dhar haka minit ba 47 bad u Clinton Suchiang haka minit ba 67. Ïa ka shikol na ka Chilliangraij la thep da u Dathrang Iakai haka minit ba 79.
Langba kane ka jingjop kine ki ar kynhun kila ïoh ban rung sha ka jingïakhun Semi Final.