Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 22 tarik u Naiwieng, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong ka kynhun ïalehkai jong ka Dhana SC kala pynliem da 2-0 kol ïa ka Khliehriat West YWSC, ïa ki kol naka Dhana SC la thep da u Phon Khaii haka minit ba 13 bad u Marki Swer haka minit ba 26.
Katba haka jingïakhun kaba ar ka Thangskai Tiger SC kala pynliem da 3-2 kol ïa ka Chiehruphi SYWSC, ïa ki kol na ka Thangskai Tiger SC la thep da u Pynthymme Rymbai haka minit ba 22 & 25 (Penalty) bad u Verdy Nongtdu haka minit ba 90+1. Ïa ki kol naka Chiehruphi SYWSC la thep da u Mankhih Rymbai haka minit ba 18 (OG) bad u Sandi Kasar haka minit ba 29 (Penalty).
La pyntip ka jingïakhun ha ka sngi 25 tarik u Naiwieng kan long hapdeng ka Sutnga SSCC pyrshah ïa ka Khliehriat West YWSC haka por 11:45 am, katba ka R.Iawpynsing SC pyrshah ïa ka Dhana SC haka por 2:15 pm.