Ka lympung ïalehkai phutbol bala tip kum ka Thadlaskeiñ Football League 2024 bala pynïaid da ka Thadlaskeiñ Sport Association kaba la long mynta ka sngi 14 tarik u Kyllalyngkot, 2025 ha madan mini Stadium Wahiajer West Jaiñtia Hills District.
Haba phai sha ka jingïakhun ba nyngkong ka kynhun ïalehkai jong ka Malngiang SC kala jop khlem jingïakhun (walkover) ïa ka Nongkharai.
Haka jingïakhun kaba ar ka Morathud kala pynliem da 2-0 kol ïaka Takhniang ïa ki kol na ka Morathud la thep da u Daunibiang Lyngdoh haka minit ba 35 bad u Sooki Laloo haka minit ba 65.
Katba ha ka jingïakhun kaba lai ka Sohphoh SC kala pynliem da 3-0 kol ïaka Tympang SC, ïa ki kol na ka Sohphoh la kum thep bakla (Own goal) haka minit ba 4, u Habandajop Khynriam ula thep haka minit ba 8 bad u Phran Shylla haka minit ba 19.
La pyntip ka jingïakhun lashai ka sngi 15/1/2025 haka por 10 baje mynstep kan long hapdeng ka Kdohkule pyrshah ïaka Mukhla Sohshrieh, haka por 12 baje shiteng sngi ka Iawthymblein pyrshah ïaka Wahshnangiar SC, katba haka por 2 baje nohphai sngi ka Nongthymme Nongdhar pyrshah ïaka Youngstar Namdong.