U ma Thomas Nongtdu (63), Ex-MDC, JHADC (Nominated), u kpa jong ka kong Santa Mary Shylla kaba dei ka MLA jong ka Sutnga-Saipung Assembly Constituency ula khlad kyndit hynnin ka sngi 8/9/2025 ha ka por kumba 10 baje tam ei ei mynmiet.
La ong ba hynnin ka sngi u ma Thomas Nongtdu um shym la ud pang ei ei bad dang step u dang leit peit ia ka jingtrei kaba u dang pyntrei ia kawei ka jingkieng. Haba la wanphai na ka jingtrei um shym la ud pang ei ei bad kiba haïing hasem ki dang ia kren ia khana kumba ju long manla ka sngi.
Hynrei pat ha ka por kumba 10 baje tam ei ei mynmiet katba kiba haïing ha sem ki dang iakren ula shu khlad kyndit iathuh u ma Hambertus Nongtdu, MDC uba dei u para jong u ma Thomas.
Ka jingleit on tep ia u ma Thomas kan long lashai ka sngi 10/09/2025, ha lum jingtep ka Balang Katholic, Myndihati. Ka jinglehniam kan sdang naduh ka por 11:00 AM.
