Kumba 7 ngut ki briew kila duh ei iala ka mynsiew bad 25 ngut kila mynsaw jur na ka jingbthei jong u bomb ba la leh da ki riew kheiñduh ha kawei na ki jaka iathoh shongkurim ha Dera Ismail Khan District, Khyber Pakhtunkhwa jong ka ri Pakistan ha kane 23 tarik mynta u bnai.
Kane ka jingjia kala jia ha kawei na ki ïing jong u nongialam shnong, katba dang iaid ka jingkhawai iathoh shongkurim. Kat kum ka khubor Pulit na ka Dera Ismail Khan la iathuh ba ia kane ka kam la leh daki riew kheiñduh, hynrei ym pat don kino kino ki la kam halor kane ka jingjia. Na ka liang ki Pulit ki dang pynlong ka jingtohkit ban lap dien ia kiba donkti.
Ia kiba la mynsaw la leit pynkit mar mar sha ka District Hospital ban ioh jingsumar kloi.
