Ka Jaintia Revolutionary Council (JRC) ka pynpaw ïa ka jingsngewkhia bad ka jingkyndit kaba khraw halor ka jingkhlad kynsan u Dr. Ricky J. Syngkon, uba dei u Member of Parliament (Lok Sabha) ka Shillong Parliamentary Constituency.
“Ha ka kyrteng ka JRC, nga pynpaw ïa ka jingsngewlem kaba khraw tam sha kiba haïing hasem, ki paralok ki jylli bad kiba ieid baroh ïa u Dr. Syngkon. Ka jingkhlad noh jong u ka long ka jingduh kaba khraw ym tang na ka bynta ka ïing ka sem, hynrei na ka bynta ka Jylla Meghalaya baroh kawei. I Dr. Syngkon i dei i riewstad iba don ka jabieng kaba shai, u nongsikai (academician) uba minot, bad u nongïalam uba kit ïa ka jingkyrmen ki paidbah sha ka thup kaba heh tam ka ri ha ryngkat ka jingrit bad ka jinglong kaba hok. Ka sur jong i ha Parliament ka dei ka sur jong ki paidbah ka rilum Khasi-Jaintia, bad ka jinglenlade jong i na ka bynta ka bit ka biang ki riti dustur kan sah kynmaw hapoh ka histori jong ngi. Ha kum kane ka por ka jingsngewsyier, ngi ïeng ryngkat bad ka ïing ka sem jong i bad ngi duwai ba U Blei Un don lang bad ai bor ïa phi baroh ban pdiang ïa kane ka jingduh kaba khraw.
Ai ba ka mynsiem jong i kan ïoh ka jingthait kaba khuid bad kaba shongsuk”.
La pyllait da u Leoferdinand Suiam
President, Jaintia Revolutionary Council (JRC)
