U Deputy Commissioner & Chairman District Selection Committee, West Jaintia Hills District, Jowai ula khot ia kito ki samla kiba la shah jied ban iakhun ia ka post Lower Division Assistant cum Typist (2025) katkum ka result bala pynbna ha ka 24/03/2026 ba ki dei ban leit mih sha ka ophis jong u DC ha ka kamra kaba 156 kaba dei ka kamra treikam jong ka DSC na ka bynta ban shim ia ki Admit Card jong ki.
Ia kine ki Admit Card dei ban wan shim naduh ka 30/03/2026 haduh ka 7/04/2026 hapoh ka por long trei.
U DC ula pyntip ba ka jingpyniakhun ia ka Typing Test kan long ha ka 8/4/2026 ha District Library Auditorium, Mynthong Jowai naduh ka por 10:00 AM haduh ka 5:00 PM.
Ki samla kiba iakhun ia kane ka Test ki dei ban lah type la kumno kumno (Minimum) 30 WPM (Word Per Minute) khnang ban poi sha ka thong.