U Deputy Commissioner (Supply), West Jaiñtia Hills u la pyntip ba ia u Khaw rashon AAY, PHH bad Non-NFSA, na ka bynta u bnai Ïaïong (April), 2026 la pynlait sha baroh ki nongdie khaw rashon ne Fair Price Shop (FP. Shop) ha West Jaiñtia Hills District naduh ka 7 tarik Ïaïong, 2026 haduh ka 9 tarik Ïaïong, 2026.
Ka bhah jong u khaw Antyodaya Anna Yojna (AAY), yn sam ha ka jingthew kaba 35 kilo na ka bynta kawei ka Card rashon AAY (F.I. Card) khlem da siew dor na ka bynta ki nongshong shnong ha nongkyndong bad ha sor.
Ka bhah Priority Household (PHH) jong u khaw yn sam ha ka jingthew kaba 5 kilo shi khlieh khlem da siew dor na ka bynta ki nongkyndong bad sor.
Ka bhah jong u khaw Non-NFSA, yn sam ha ka jingthew kaba 7.105 kilo, na ka bynta kawei ka longing (household) ha ka dor bala buh da ka Vigilance Committee, hynrei ym dei ban tam ïa ka Rs.14/- shi kilo na ka bynta ha nongkyndong bad sor.
Halor kane, la kyntu ïa baroh ki Fair Price Shop Dealers, kiba la shah jied bad ai jingmynjur da ka bor kaba dei peit ba kin leit shim ïa ki permit na ka ophis u Deputy Commissioner (Supply), West Jaiñtia Hills bad ban pyndep ïa ka jingsam khaw hapoh ka 30 tarik Ïaïong, 2026 da kaba pyndonkam ïa ka e-POS machine ha ka online mode ha ki centre jong ki khlem pep.