Ka tnat jong ka koit ka khiah lyngba ka ophis jong ka Sub Divisional Medical & Health Officer cum Block Medical Officer, kan pynlong ia ka Health bad Veterinary Camp, ha ka shnong Moosakhia, ha ka 7 tarik April, ka ban sdang naduh ka por 10 baje mynstep shaneng.
Ha kane ka programe kan don ka jing Check-up naduh ki khynnah, ki rangbah kynthei bad shynrang da ki Doctor kiba kynthup ruh ia ki Doctor Specialist na ka bynta ki khynnah ryngkat bad ki nongtrei ka Jaraiñ PHC bad kiwei. Kan don ruh ka check-up ia ka jingpang BP, Shini, Cancer, kan don ruh ka jingshon Smart Card, ki jingbatai (Awareness) bad kiwei kiwei de.
Na ka liang ka Veterinary Department ruh kan wan iasnoh kti lang ha kane ka programe ha kaba ki Doctor bad ki riew shemphang ha ka kam ri jingri jong ka Department kin ia wan lang ryngkat bad ki dawai dashin jong ki.
Kumta la kyntu ia ki nongshong shnong ba kin ia wan sha kane ka prokram khnang ba kin ioh shibun ki jingmyntoi.