Ka JNC Western zone hapoh hapoh ka jingialam u President jong ka u ma Hamehi Bamon hynnin ka sngi ka pynpaw ia ka jingsngew burom ia ka Branch Manager (BM) jong ka SBI Mynso Branch ka Madam Jongnon Sankey kaba la sngap ia ka jingdawa jong ka seng ban pynioh ia ka kor ATM ha katei ka jaka na ka bynta ka jingmyntoi jong ki paidbah.
Ha kaba iadei bad kane ka jingdawa ka Seng ka la leit buh ia ka jingthoh ha ka 27/02/2026 ha katei ka Branch Manager. Na ka liang jong kane ka BM kala shimkhia ia kane ka jingdawa bad la pynthikna ruh lyngba ka Work Order ba la ioh da ka Bank ba yn buh noh ia ka kor ATM ha katei ka Bank.
Ia kane ka jingdawa la lah ban pynioh tang hapoh 2 bnai hadien ba la kular da katei ka BM bad mynta ia ka jaka ban buh ia kane ka ATM la pynkhreh shait shait.
Na ka liang ka seng ka la pyntip ba kan dang iai bud dien ban pynioh kor ATM sa ha Meghalaya Rural Bank, Mowkaiaw, khnang ban pynsuk shuh shuh ia ka jingdonmkam ki paitbah katkum ka juk mynta.