Ka jingshah thngan jong u bah Marshall S.B Biam ka la poi sha ka 14 sngi.
Ia kane ka jingwan ai mynsiem na ka liang ka Jaiñtia Coal Owners, Miners, Suppliers & Workers Association (MCTODA) la wan ban ai mynsiem da u nongaiktien ka seng ha ryngkat ki dkhot ki jong ka.
U bah Wanshwa haba ai jingkren u la ai nuksa ha ka por ba ka don ka jingiakhih na ka bynta ka Shree Cement ba wat ka gate jong ka DC Office ruh ka lah jot hynrei ban shong shah thngan da ka peaceful hunger strike jong u paradoh parasnam kam long, u la ong ruh ba lada ka jaka ka dei na ka bynta jong ki paidbah wat pyni bor.
U bah Nongtdu u la ong ba ka jingiakhih kaba dang shu dep shen ha ka Shnong Mawryngkneng ka dang dei ka jingiakhih kaba rit hynrei lada ka jingiakhih kan long biang ka MCTODA kan ym bah khlieh hynrei ka sorkar ka hap ban bahkhlieh, man la ka san snem ki nongmih khmat ki pynbiej ban plie noh ia u dewiong na ka san snem sha ka phra snem bad kumta ter ter hynrei haduh mynta ym pat iohi ba ka sorkar ka lah ban plie noh ia u dewiong bad baroh ngi shah pynbiej tang hapoh ki social media.
