Ka East Jaiñtia Hills District Football Association (EJHDFA) lyngba u General Secretary ma James Sutnga ula pyntip ba ka Association kala khot bad wer ïa baroh ki Club kiba la pynïasoh ïalade bad ka EJHDFA ba kin wan pynthymmai noh ïaki Clubs Renewal & Inter-Club Transfer haka ophis kaba don ha EJDSA Artificial Ground Diengshynrum EJHD.
Ka jingpynthymmai ïa ki Clubs (Renewal) kan long haka 15 tarik u Jylliew haduh ka 19 tarik u Jylliew, 2026. Katba ka jingdie ïa ki Transfer Forms haka 15 haduh 19 Jylliew, 2026. Ka Signing / Processing of Transfers kan long naduh ka 22 Jylliew haduh 27 Jylliew, 2026 bad ka por ka long naduh ka 11 baje mynstep haduh 3 baje nohphai sngi.
La kyrpad ïa baroh ki Affiliated Clubs ba kin shimkhia ïa kane ka jingpynbeit da kaba pynbiang ïa ki kot ba donkam da kaba pynpoi ïa ki haka por ba biang. Yn ym pdiang shuh ïa kiba pynpoi palat ïa ka por bala buh.
Ïa ki jingtip ba khambniah lah ban leit mih sha ka ophis jong ka Association da kaba ïakynduh ïa ki nongkitkam.
