– Hadien ka Rally yn khang suroh NH lada ym urlong ka jingdawa –
Ha ka khubor bala phah da u Information Secretar, ma Overcome Dkhar bad u Chairman ma Shemphang Langstang ka Jaiñtia Coal Owner and Miners Supplier Workers Association (JCOMSWA), la ong wat hadien 14 sngi ka jingshah thngan u President ka Association u ma Marshall S.B. Biam hynrei ym pat ïoh kano kano ka jubab na ka liang ka sorkar.
Halor kane ka jingsngap mynthi bad bym suitñiew ka sorkar ïa ka jingdawa ka Association da ka jingshah thngan u President jong ka u ma Marshall S.B Biam, la pyntip ba lashai ka sngi 16.06.2026 ka Association bad ki nongkyrshan jong ka kin pynlong ïaka rally paidbah ka ban sdang na Madan bah Lad-Rymbai Dongwah, ka jaka ba shah thngan u ma Marshall S.B Biam bad leit tur sha DC ophis, Khliehriat East Jaiñtia Hills District.
Naka liang ka Association ka kyntu ïa baroh kito kiba don par dewïong, ki nongkhaïi, ki nongtrei dewïong, ka seng ki Driver Truck Owner Association, ki seng longkmie bad ïa baroh ki sengbhalang kiba don hapoh ka District ba kin wan ai jingkyrshan bad ïashim bynta lang ha kane ka Rally. Ka Rally paidbah kaba dawa na ka sorkar ba kan pynlait shi syndon ban tih Dewïong kumba ka long hashwa ki 12 snem kiba mynshwa.
La ong ba lada ym treikam kane ka Rally, yn sa pynlong ïa ka jingkhang surok ïa u National Highway kaba khlem da buh por.