Kum shi bynta ban ialeh pyrshah ia ka jingdih bad khaïi Drug ne ka sngi rakhe ia ka International Day Against Drug Abuse and Illicit Trafficking 2026 ka District Administration bad ka District Social Welfare Officer, West Jaintia Hills District ha ka jingiatreilang bad ka ophis District Sports Officer, West Jaintia Hills District kin sa pynlong ia ka jingiamareh Marathon ha ka 25 tarik mynta u bnai.
Kane ka jingmareh ka dei ka open category na ka bynta ki kynthei bad ki shynrang. Ia ka jingmareh yn sdang na Main Gate jong ka Kiang Nangbah Stadium ha ka por 5:30 baje mynstep.
Ka lynti ban mareh kan long na Main Gate Kiang Nangbah Stadium (Starting Point) sha Ladthalaboh Main Rod – Kiang Nangbah Govt College – By Pass – Myntdu Bridge – Amlarem By Pass – Stand War – D.C. Office – New Hill – National Highway – Kiang Nangbah Indoor Stadium (Finishing point).
Kumta na ka liang ki bor pyniaid District (District Administration) ka khot ia ki nongshong shnong ban wan iashim bynta ha kane ka jingiamareh.
Kan don ruh ka jingsam khusnam sha ki nongjop. 1st Prize kan long Rs.7000/-, 2nd Prize – Rs.5000/- bad ka 3rd Prize – Rs.3000/-.
Kane ka long katkum ka kyrwoh khubor ba la pyllait da ka District Sports Officer, West Jaintia Hills District kong Linza F. Syiem.