Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2026’ ka la nangïaid shaphrang ha Wahiajer Multi Sports Complex bala pynïaid da ka ophis u District Sports Officer West Jaiñtia Hills District, Jowai.
Haba phai sha ki jingïakhuh mynta ka sngi (18/06/2026) kila don haduh 10 tylli ki jingïakhun haka kyrdan Under-17 (boys) ka Riwar Jaiñtia COG Sec. School Ladjaplem kala jop da 1-0 kol ïa ka Jowai Govt. U/P RMSA School. Ka Wahiajer Presbyterian H/S School kala jop da 3-0 kol ïa ka Ialong Secondary School. Ka Nongtalang Govt. H/S School kala jop da 6-5 kol ïa ka Moodymmai Sec. School lyngba ka jingïashut Tie Breaker. Ka Lissi Pearl H/S School, Khliehtyrshi kala jop da 9-1 kol ïa ka Jowai District Presbyterian School Ialong. Katba ka St. Francis Sec. School, Mawkyndeng kala jop da ka Tie Breaker 4-3 kol ïa ka Jaiñtia H/S School.
Ha ka jingïakhun jong ka kyrdan Under-15 (boys) ka St. Claret H/S School Phramer kala jop da 1-0 kol ïa ka On and On English School. Ka All Saint Sec School kala jop da 2-0 kol ïa ka Wahiajer Govt. U/P School. Ka Padu Sec. School kala jop da 3-0 kol ïa ka Ialong Sec. School. Ka Lirian English School Umsalait kala jop da 1-0 kol (walk over) ïa ka Adventist H/S Scholl. Katba ka Jaiñtia H/S School kala jop da ka jingïashut Tie Breaker da 3-1 kol ïa Achievers H/S School.
